Еўропа робіць усё магчымае, каб удыхнуць жыццё ў эканоміку. Чарговая фаза выхаду з каранціну пачалася ў Партугаліі. У краіне часткова адкрыліся кафэ і рэстараны. Працуюць музеі. Абмежаванні былі ўведзены партугальскімі ўладамі ў канцы сакавіка ў сувязі з успышкай COVID-19. У краіне памерлі больш за 1 200 чалавек, заразіліся амаль 30 тысяч.
У Іспаніі для выхаду з ізаляцыі ўрадам распрацавана чатырохступеньчатая сістэма. Аслабленне каранцінных мер у рэгіёнах адбываецца з рознай хуткасцю, якая залежыць ад агульнай эпідэмічнай сітуацыі. Іспанія застаецца на трэцім месцы ў свеце па колькасці тых, хто заразіўся каранавірусам - амаль 280 тысяч чалавек.
У Францыі на ўрокі пайшлі вучні сярэдніх школ. Згодна з планам французскага Міністэрства адукацыі, з 25 мая ўсе без выключэння школьнікі павінны атрымаць магчымасць вярнуцца да вочнага навучання.
У Ірландыі ўрад таксама аслабляе каранцінныя меры. У краіне адкрыты многія магазіны і садовыя цэнтры.
Еўропа змякчае каранцінныя меры
19 мая 2020