Чорныя скрыні з украінскага самалёта, які разбіўся, расшыфруюць у Іране

Сёння ва Украіне дзень жалобы. Прэзідэнт гэтай краіны Уладзімір Зяленскі прыняў рашэнне сёння ўначы ў сувязі з крушэннем самалёта ў Іране.  Спецыяльную групу з Украіны накіравалі для ўдзелу ў расследаванні прычын авіякатастрофы. Там пачынаюць расшыфроўку чорных скрынь. Ужо апублікаваныя імёны загінуўшых. У гэтым спісе 167 пасажыраў - гэта грамадзяне сямі краін. Загінулі 9 членаў экіпажа. "Боінг-737" кампаніі "Міжнародныя авіялініі Украіны" ляцеў у сераду раніцай у Кіеў з Тэгерана. Праз дзве хвіліны пасля вылету борт перастаў выходзіць на сувязь. На месцы крушэння працягваецца пошукавая аперацыя.