Праз польскую мяжу ў Германію праніклі 500 нелегалаў

Нягледзячы на намаганні Польшчы па выправаджэнні нелегалаў праз усходнюю мяжу, у Германію з Беларусі за верасень дабраліся больш за 500 бежанцаў. Ім удалося мінуць польскую мяжу і пранікнуць у нямецкую ўсходнюю зямлю Брандэнбург. Як паведамілі ў адным з пунктаў прыёму бежанцаў, у найбліжэйшыя тыдні чакаюцца тысячы чалавек. Ужо зараз нямецкаму боку прыходзіцца ставіць палаткі, каб размясціць усіх. Польшча пры гэтым не спяшаецца прымаць нелегалаў зваротна. Паводле звестак выдання Bild, толькі 20 % з усяго патоку тых, хто  прыбывае ў ФРГ, вяртаюцца на польскую тэрыторыю. Акрамя Германіі, бежанцы шукаюць магчымасці перабрацца ў Францыю.