У перыяд няпростай эпідэмсітуацыі, каб скараціць колькасць наведванняў насельніцтвам дзяржорганаў і знізіць нагрузку для супрацоўнікаў, сёння прынятыя наступныя меры.
Для юрыдычных і фізічных асоб тэрмін дзеяння даведак, якія заканчваюцца з 10 лістапада гэтага года па 10 мая наступнага, прадаўжаюць на паўгода. Указ сёння падпісаў прэзідэнт. Пералік дакументаў і найменне адміністрацыйных працэдур будуць вызначаны пастановай Савета Міністраў. Чакаецца, што туды ўвойдуць выдачы меддаведкі аб стане здароўя, пашпарты і вадзіцельскія пасведчанні.
