Бельгійскія пажарныя наладзілі акцыю пратэсту

Бельгійскія пажарныя наладзілі акцыю пратэсту ля рэзідэнцыі прэм'ер-міністра Эліё ды Рупа. Каля 30-ці разлікаў ратавальнікаў перакрылі пад'езды да будынка, дзе прэзідыум урада Бельгіі абмяркоўваў федэральны бюджэт на наступны год. Брандмайстары дабіваюцца павелічэння фінансавання сваёй галіны. Яны патрабавалі неадкладнай сустрэчы з членамі Кабінета Міністраў, якія сабраліся на нараду.