Прэзідэнт ЗША Барак Абама зноў заклікаў Кангрэс аднавіць фінансаванне ўрада і падняць мяжу дзярждоўгу. Пра гэта ён заявіў, выступаючы ў федэральным агенцтве па надзвычайных сітуацыях. Абама лічыць, што галасоў дастаткова для прыняцця неабходных рашэнняў. Між тым амерыканскія фінансавыя ўстановы ўжо пачалі рыхтавацца да дэфолту. Яны загружаюць банкаматы і нарошчваюць запасы наяўнасці ў сховішчах на выпадак, калі грамадзяне паспяшаюцца атрымаць на рукі свае зберажэнні. Большасць дзяржустаноў у краіне па-ранейшаму закрытая. А Мінабароны ЗША ў сувязі з бюджэтным крызісам на час адмовілася ад выплат дапамог сем'ям загінуўшых.
