Аўстралійскі лайнер пасадзілі на Балі з-за пагрозы выкрадання

Самалёт авіякампаніі Virgin Australia рэйсам з Брысбена сёння раніцай зрабіў экстраннае прызямленне ў аэрапорце інданезійскага вострава. Адзін з пасажыраў паспрабаваў трапіць у кабіну пілотаў, пасля чаго камандзір экіпажа падаў сігнал аб выкраданні. Лайнер паспяхова ўдалося пасадзіць, і злачынца ў аэрапорце затрымалі. Паводле папярэдніх звестак, віноўнік інцыдэнту быў п'яны.