Заключны этап Кубка свету па біятлоне стартуе з мужчынскай спрынтарскай гонкі

Заключны этап Кубка свету па біятлоне, які праходзіць у Цюмені, стартуе сёння з мужчынскай спрынтарскай гонкі на 10 кіламетраў. Беларускую каманду складуць чатыры спартсмены. Другі стартавы нумар у Рамана Ялётнава, дзевятнаццаты - у Сяргея Бачарнікава, пяцідзясятым на лыжню пойдзе Антон Смольскі, семдзясят чацвёртым - Максім Варабей. Усяго выступяць 84 біятланісты, 60 з якіх адбяруцца ў гонку праследавання. Прамая трансляцыя ў 16:35 на "Беларусь 5".