Храм-помнік у гонар Усіх Святых сёння стаў месцам правядзення выязнога прэс-мерапрыемства "Духоўная супольнасць народаў Беларусі і Расіі". У ім прынялі ўдзел каля 20 журналістаў, усе - пераможцы конкурсу "Беларусь - Расія. Крок у будучыню". Экскурсію па храме-помніку правёў настаяцель прыходу ў гонар Усіх Святых протаіерэй Фёдар Поўны. Крыпта храма-помніка не мае аналагаў у Еўропе. Тут пахаваныя невядомыя салдаты трох войнаў. У ячэйках - зямля з месцаў, дзе загінулі беларусы.
Журналістам паказалі і адзін з прыдзелаў храма, роспісы якога выконвалі расійскія майстры з Палеха.
