Пераможныя імгненні, эмоцыі чэмпіёнаў, а таксама закуліссе Гульняў вы ўбачыце ў рэпартажах нашых карэспандэнтаў. І, вядома ж, у гэтай студыі будуць з'яўляцца пераможцы і знакавыя персоны форуму, каб падзяліцца з вамі сваімі яркімі ўражаннямі і самай свежай інфармацыяй. Такім чынам, аб усім, што звязана са святам пад назвай II Еўрапейскія гульні, у найбліжэйшыя 12 дзён мы знаёмім вас у рэжыме інфармацыйнага канала. Афіцыйна гульні стартуюць 21 чэрвеня. Галоўная ж падзея дня сённяшняга - гэта генеральная рэпетыцыя цырымоніі адкрыцця. Яна арыенціровачна пачнецца ў 22 гадзіны і пройдзе тут, на "Дынама", і да яе мы, вядома ж, не раз яшчэ вернемся. Тым часам у краіну працягваюць прыбываць замежныя госці - рытм жыцця сталіцы мяняецца на вачах. І, нягледзячы на тое, што ў адрозненне ад Алімпіяды Еўрапейскія гульні вельмі маладыя, яны вельмі і вельмі папулярныя.
Невялікі экскурс у гісторыю спартыўнага форуму правядзе Павел Капуцкі. Гэта гістарычная цырымонія адкрыцця ў Баку. Панамерыканскія, афрыканскія, азіяцкія. У Еўропы свае гульні з'явіліся толькі ў 2015 годзе. 50 краін, 30 відаў спорту і амаль шэсць тысяч спартсменаў. Здымачная група Агенцтва тэленавін працавала ў Азербайджане і бачыла, як нашы спартсмены заваявалі 43 медалі. З іх 10 - залатыя! Сёмае месца ў агульным заліку!
На розных этапах на правядзенне другіх гульняў прэтэндавалі Нідэрланды, Польшча, Турцыя, Расія, Вялікабрытанія. Але 21 кастрычніка 2016 года на генеральнай асамблеі ЕАК у Мінску выбралі беларускую сталіцу. У адрозненне ад Азербайджана Беларусь не ўзводзіла пад Гульні дарагія новыя аб'екты. Каб паменшыць выдаткі, краіна-гаспадыня сама вызначала віды спорту, і ў выніку іх колькасць скарацілі з азербайджанскіх 30 да 15. У Мінску чакаюць не менш як 30 тысяч турыстаў. З 10 чэрвеня па 10 ліпеня дзейнічае бязвізавы ўезд на любым відзе транспарту. Абавязкова мець пашпарт і білет на спаборніцтвы, цырымонію адкрыцця або закрыцця.
Больш як чатыры тысячы спартсменаў з паўсотні краін. Дзвесце камплектаў медалёў. Турніры па бадмінтоне, боксе і дзюдо пройдуць у рангу чэмпіянатаў Еўропы. У дзесяці відах спорту спаборніцтвы стануць кваліфікацыйнымі да Алімпіяды 2020 года ў Токіа. І, магчыма, самымі матываванымі будуць гульцы ў настольным тэнісе. Пуцёўкі ў Японію атрымаюць усе прызёры адзіночных разрадаў, лепшая змяшаная пара і пераможца каманднага турніру. За Беларусь згуляе легендарны Уладзімір Самсонаў.
Прыхільнікі бадмінтона ўбачаць чэмпіёна свету і бронзавага алімпійскага прызёра Віктара Аксельсона з Даніі. Шмат алімпійскіх чэмпіёнаў будзе ў барацьбе. Аматары лёгкай атлетыкі на "Дынама" чакаюць нашых зорак - Эльвіру Герман, Марыну Арзамасаву, Анастасію Мірончык-Іванову, Максіма Недасекава і іншых. За медалі беларускія спартсмены атрымаюць вялікую ўзнагароду. Золата ацэньваецца больш чым у 10 тысяч рублёў. Срэбра - 6375. Бронза - ледзь больш як 4 тысячы. Ёсць і бонусы. Напрыклад, сусветны рэкорд у алімпійскай дысцыпліне прынясе атлету столькі ж, колькі срэбны медаль.
Білеты на спаборніцтвы каштуюць ад 7 да 58 рублёў. Задача балельшчыкаў - запоўніць трыбуны. Спартсменаў - узяць больш медалёў, чым у Баку.
