Менш як тры гадзіны таму абкатку нядаўна залітага лёду тут правялі выхаванцы сталічнага клуба Юнацтва. Менавіта гэтыя юнакі стануць удзельнікамі першага турніра на новай арэне. З 21 па 25 снежня тут пройдзе Кубак Александрыі. Акрамя Юнацтва ў спаборніцтвах прыме удзел мінскае Дынама, тры каманды з Расіі і адна з Латвіі. Дарэчы, хутка дамашнія паядынкі на Чыжоўка-Арэне будзе праводзіць і дарослая каманда Юнацтва.
Нагадаем, у маі Чыжоўка-Арэна разам з Мінск-Арэнай прыме чэмпіянат свету па хакеі. Да гэтага часу тут неабходна правесці шэраг тэставых спаборніцтваў для наладжвання ўсіх сістэм.