Матч Сабаленка / Суарэс-Навара ў афішы 1/4 фіналу турніру WTA ў амерыканскім Сан-Хасэ

Сабаленка / Суарэс-Навара - такая афіша 1/4 фіналу турніру WTA ў амерыканскім Сан-Хасэ з прызавым фондам больш за 800 тысяч долараў. Арыенціровачна ў 22 гадзіны дзяўчаты выйдуць на корт. Прамую трансляцыю матча будзе весці тэлеканал "Беларусь 5". За сваю гісторыю тэнісісткі гулялі двойчы, нязменна на хардзе,  абодва разы перамога заставалася за Сабаленкай. Зараз Арына замыкае топ-10 сусветнага рэйтынгу, Карла - 29-я ракетка планеты.