Легенда сусветнага тэніса - у Мінску, а каманда Швейцарыі - у поўным зборы. Сёння ў беларускую сталіцу прыляцела экс-першая ракетка свету, а цяпер - восьмы нумар сусветнага рэйтынгу ў парным разрадзе Марціна Хінгіс.
Пяціразовая чэмпіёнка турніраў Вялікага шлема. У адзінкавым разрадзе яна выйграла 99 тытулаў турніраў WTA. Сёння 37-гадовая тэнісістка выступае ў пары. І на нядаўнім турніры ў Біле разам са сваім калегам Тымеа Бачынскі дайшла да фіналу. Нагадаем, на Алімпіядзе ў Рыа гэты тандэм выйграў серабро.
Трэніроўкі на "Чыжоўка-Арэне" сёння правялі тэнісісткі абедзвюх зборных. З самай раніцы тут ужо гаспадарылі беларускі. Пакуль у распараджэнні капітана каманды Беларусі - Эдуарда Дуброва - Аляксандра Сасновіч, Арына Сабаленка і Вера Лапко. Пазней да дзяўчын далучыцца і Вольга Гаварцова. Умовамі, якія створаны на "Чыжоўка-Арэне", задаволеныя ўсе.
Матч Беларусь - Швейцарыя пройдзе 22-23 красавіка. На коне - пуцёўка ў фінал сусветнай групы. Раней гэтыя зборныя ўжо сустракаліся. Пакуль статыстыка - не на нашу карысць. Два паражэнні з трох згуляных сустрэч.
