У Нацыянальным аэрапорце Мінск пачынаюць сустракаць трыумфатараў чэмпіянату свету па лёгкай атлетыцы. Сёння з Пекіна вярнулася бронзавы прызёр сусветнага першынства Аліна Талай. Яна стала 3-й у бегу на 100 метраў з бар'ерамі. Беларуска падзялілася сваімі ўражаннямі аб спаборніцтвах, і выказалася пра тое, што такія вынікі ў сусветным спрынце - рэдкасць.
Чэмпіянат свету ў Пекіне завершыцца ўжо сёння, але без удзелу беларускіх атлетаў. Апроч бронзы Аліны Талай у скарбонцы нашай каманды - золата Марыны Арзамасавай (у бегу на 800 метраў). Яна вернецца дадому заўтра ў 12:40. Усе, хто пажадае, могуць сустрэць чэмпіёнку ў нацыянальным аэрапорце.
