Развіццё транспартнай сферы Беларусі і Расіі сёння абмеркавалі ва ўрадзе на сустрэчы з дэлегацыяй расійскага Міністэрства транспарту. Бесперабойныя зносіны - адзін з важных элементаў саюзных праграм. Ад стабільнай працы авія, чыгуначных і аўтаперавозак залежыць своечасовая дастаўка і пасажыраў, і грузаў. Падтрыманне кантактаў па гэтых пытаннях на кантролі адзначыў беларускі прэм'ер. Зараз чыгункі дзвюх краін паэтапна аднаўляюць дакавідныя маршруты, растуць і грузаперавозкі.
З пачатку года праз чыгунку Беларусі і Расіі перавезена ўжо 27 мільёнаў тон грузаў. Гэта плюс 4 % да такога ж перыяду мінулага года. Дадатная дынаміка ў тым ліку ў рамках падпісанага пагаднення па перавалцы беларускіх нафтапрадуктаў праз парты Ленінградскай вобласці.
