Падчас рабочай паездкі па Гродзенскай вобласці Аляксандру Лукашэнку прадставілі навінку - сыр "Прэзідэнт"

Аб народным адзінстве, бойцы вакцын, пошуку месца беларускай прадукцыі на сусветных рынках, а таксама аб своечасовай стаўцы на мадэрнізацыю малочнай галіны і выпуск новых запатрабаваных прадуктаў. Грунтоўная размова адбылася напярэдадні ў Гродзенскай вобласці, дзе Прэзідэнт пабываў з рабочай паездкай. На прадпрыемстве "Малочны свет" гаворка ішла аб поўным цыкле вытворчасці. Гэта  адзін з лідараў малочнай галіны. Больш як 91 % акцый належаць дзяржаве.  Мадэрнізацыя сыраробства павялічыла магутнасці завода ў чатыры разы.  Тут  укаранёныя перадавыя тэхналогіі - у цэхах і ў сховішчах працуюць робаты.  

У Гродне распрацоўваюць уласныя ўнікальныя рэцэпты, у тым ліку і  элітных сыроў. Аляксандру Лукашэнку прадставілі навінку - сыр "Прэзідэнт" - гэта адзін са звышцвёрдых сыроў. Кіраўнік дзяржавы  ацаніў і яшчэ адну навінку - сыр з труфелем.   Агульнае фота  застанецца на памяць ад зносін з калектывам прадпрыемства.