У Беларусі падтрымаюць асобныя прадпрыемствы сістэмы Мінпрама і Беллегпрама

Дапамога па вытворчым адрасе. Прэзідэнт Беларусі прыняў рашэнні па падтрымцы асобных прадпрыемстваў сістэмы Мінпрама і Беллегпрама. Аляксандр Лукашэнка падпісаў адпаведныя ўказы - паведамілі ў прэс-службе Кіраўнікі дзяржавы. Праблемным арганізацыям падалі адтэрміноўку па вяртанні пазык і растэрміноўку па выплаце працэнтаў банкам. У той жа час асобнае патрабаванне - скараціць тэрміны звароту выдзеленых сродкаў, а таксама ўзмацніць жорсткасць умоў падавання такой падтрымкі. Вядома, што за невыкананне даручэнняў па выхадзе на эфектыўную працу шэрагу прадпрыемстваў прамысловага і будаўнічага комплексу службовыя асобы прыцягнутыя да дысцыплінарнай адказнасці.