Прэзідэнт: Нам не патрэбныя ніякія замежныя ўрады, ніякія пасрэднікі
Прысутнічалі члены Саветы бяспекі і кіраўніцтва арміі. Размова з людзьмі ў пагонах надзённая і прынцыповая - на парадку пытанні бяспекі краіны і супрацьстаяння спробам расхістаць становішча звонку. Закрануў галоўнакамандуючы і ўнутрыпалітычную сітуацыю.А. Лукашэнка перасцерагае ад пагроз у адрас вайскоўцаў, праваахоўнікаў і іх сямей
Ствараецца ўражанне, што апаненты ўлады паміж сабой не могуць разабрацца ў гэтых загранічных структурах, наперабой з-за мяжы прапаноўваючы нібы найлепшыя варыянты для беларусаў. У краіне і без такой "дапамогі" хапае сіл і сродкаў, каб не дапусціць дэстабілізацыі. Катэгарычна Аляксандр Лукашэнка выказаўся аб пагрозах, якія гучаць сёння не толькі ў адрас вайскоўцаў, праваахоўнікаў, але іх сем'яў. Ідзе націск на настаўнікаў, медыкаў, журналістаў. Пагражаюць нават іх родным. Такая інфармацыя паступае галоўнакамандуючаму. Гэта недапушчальна. Ва ўлады ў цэлым і вайскоўцаў у прыватнасці досыць рэсурсаў, каб абараніць людзей і захаваць бяспеку нашай краіны.Аб сітуацыі вакол Беларусі
У Мінабароны прэзідэнту было дакладзена аб сітуацыі, якая складаецца вакол Беларусі. Спецыялісты ўзброеных сіл канстатуюць нарошчванне ваеннага кампанента ля нашых заходніх меж.Польшча
У суседняй Польшчы разгорнутыя вучэнні НАТА Defender-Europe пад кіраўніцтвам ЗША. На палігон у Драўска-Паморске прыбылі больш як 500 салдат амерыканскай кавалерыі і 70 амерыканскіх бранетанкавых часцей. А неўзабаве на тэрыторыю Польшчы будуць перадыслакаваныя да паўтары тысяч вайскоўцаў ЗША з Германіі.
Латвія
У Латвіі шматнацыянальная батальённая група НАТА пад кіраўніцтвам Канады дыслакаваная ў населеным пункце Кадага. Баявая авіяцыя альянсу размяшчаецца на аэрадроме ў Ліелвардзе. Яшчэ ля мяжы з Беларуссю знаходзяцца тры латвійскія ваенныя палігоны, якія сілы НАТА выкарыстоўваюць для вучэнняў.
