Абнаўленне медустановы ішло апошнія два з паловай гады па даручэнні Аляксандра Лукашэнкі. Пасля рэканструкцыі плошча павялічылася ўтрая. Стацыянар памножаны на два - зараз тут можна размясціць больш за паўтысячы пацыентаў. Амаль удвая вырасла і колькасць медперсаналу. Тут працуе тысяча прафесіяналаў. Новы комплекс аб'яднаў усю педыятрычную службу Гомеля. Тут магчыма дыягностыка захворванняў у дзяцей любога ўзросту. З'явіліся кабінеты магнітна-рэзананснай і камп'ютарнай тамаграфіі і ўнікальныя для рэгіёна метады абследавання. Штогод па меддапамогу сюды звяртаюцца больш за 20 тысяч дзяцей.
Падчас рабочай паездкі ёсць магчымасць ацаніць сацыяльна-эканамічнае развіццё рэгіёна ў цэлым. Прэзідэнта цікавіла, як ідзе работа над буйнымі праектамі. А таксама паказчыкі вытворчай сферы. Плануецца, што Аляксандр Лукашэнка наведае завод "Гомсельмаш", дзе азнаёміцца са станам і перспектывамі развіцця прадпрыемства, работай канструктарскага бюро. Прэзідэнт даручаў да гэтага аграрнага сезона паказаць працу новага сучаснага суперкамбайна, які не будзе саступаць сусветным аналагам.
