Абарона ўнутранага рынку ад няякаснага алкаголю і шэрага імпарту, канкурэнцыя за айчынныя прылаўкі і марудны рост экспарту. Развіццё лікёра-гарэлачнай галіны абмяркоўваюць сёння на нарадзе з Прэзідэнтам.
Гэтая тэма не ўпершыню паднімаецца на вышэйшым узроўні. Праблемы і кірункі эфектыўнай працы гэтай сферы разглядалі тры гады таму. Тады Прэзідэнт запатрабаваў навесці жорсткі парадак. Сёння, як мінуў час, тыя рашэнні прааналізуюць, зыходзячы з ужывання на практыцы, а таксама абмяркуюць іншыя меры для паспяховай працы. Галоўнай задачай застаецца абарона беларускага рынку ад падробак і кантрафакту, бо гэта - пагроза здароўю. Таму сур'ёзны кантроль над гэтай сферай - абавязак дзяржавы, і гэта агульнасусветная практыка. Беларусь - не выключэнне.
Прэзідэнт зважае: перад тым як прыняць канчатковыя рашэнні, важна ўлічваць інтарэсы спажыўцоў і працаўнікоў галіны, бо любое новаўвядзенне закранае ў першую чаргу людзей.
Нагадаем, у 2015 указам Прэзідэнта быў створаны холдынг па вытворчасці алкагольнай прадукцыі. У яго ўвайшлі 8 буйных вытворцаў, кіруючай кампаніяй стаў "Мінск-Крышталь". І хоць аб'ёмы вытворчасці павялічыліся, экспарт расце марудна. Актуальным застаецца і пытанне дыверсіфікацыі продажаў: па выніках мінулага года амаль палова экспарту прыходзілася на адзін рынак - расійскі.
Яшчэ адной тэмай нарады, якую пазначыў Кіраўнік дзяржавы, сёння стала заканчэнне ўборачных работ і падрыхтоўка да вясновай сяўбы.
