Завяршыўся рабочы візіт Прэзідэнта Беларусі ў Злучаныя Штаты Амерыкі. Літаральна гадзіну таму борт нумар адзін прызямліўся ў нацыянальным аэрапорце Мінск. У Нью-Ёрку Кіраўнік дзяржавы прыняў удзел у саміце ААН па ўстойлівым развіцці, а напярэдадні выступіў у агульнай дыскусіі 70-й сесіі Генасамблеі.
У першы дзень дэбатаў Аляксандр Лукашэнка прадставіў падыходы Беларусі да вырашэння найбольш актуальных і вострых міжнародных праблем сучаснасці. Кіраўнік дзяржавы заявіў, што ААН вельмі неабходна новая шырокая дыскусія аб прынцыпах будучага суіснавання дзяржаў і народаў. Дыялогу няма альтэрнатывы. Да трыбуны Прэзідэнт Беларусі падышоў, калі ў Мінску было каля дзвюх гадзін ночы (розніца ў часе - 7 гадзін). Палітыкі вызначылі мэты развіцця да 2030 года. Сёння дасягненні, вядома, ёсць, але якаснага прарыву ў чалавечай цывілізацыі так і не адбылося, канстатаваў Аляксандр Лукашэнка. Свет захлістваюць усё новыя выклікі і пагрозы.
Яшчэ адзін выклік, які, на думку Аляксандра Лукашэнкі, стаіць перад сусветнай супольнасцю - гэта глабальныя эканамічныя пагрозы. Для супрацьстаяння ім Кіраўнік дзяржавы прапанаваў увасобіць ідэю інтэграцыі інтэграцый.
