Прэзідэнт сустрэўся са Старшынёй ПА АБСЕ Георгіем Цэрэтэлі

Парламенцкая асамблея АБСЕ часта выбірае Беларусь у якасці пляцоўкі для сваіх мерапрыемстваў. Са Старшынёй Парламенцкай асамблеі АБСЕ Георгіем Цэрэтэлі  Кіраўнік беларускай дзяржавы правёў сустрэчу сёння. Акрамя профільных пытанняў  абмяркоўвалі будучыню Арганізацыі па бяспецы і супрацоўніцтве ў Еўропе. У прыватнасці, больш важкі ўдзел АБСЕ ў абмеркаванні і вырашэнні канфліктаў у еўрапейскім рэгіёне. Георгій Цэрэтэлі прыбыў у Мінск для ўдзелу ў міжнароднай парламенцкай канферэнцыі групы "Адзін пояс і адзін шлях". Нагадаем, Група падтрымкі Шаўковага шляху створана ў ліпені 2017 года на 26-й штогадовай сесіі Парламенцкай асамблеі ў Мінску. У яе склад увайшлі 24 дзяржавы. Група адыгрывае ролю платформы, якая садзейнічае ўзаемавыгадным эканамічным і гандлёвым сувязям праз развіццё транспартных калідораў і спрашчэнне лагістычных і гандлёвых працэдур.