Галоўная тэма - аптымізацыя МУС. Аляксандр Лукашэнка скіроўвае на разумны падыход у гэтым пытанні. Бяздумнага скарачэння кадраў быць не павінна. Кіраўнік дзяржавы таксама анансаваў вялікую гутарку з сілавікамі. Такая ж маштабная сустрэча адбудзецца і з урадам.
Падысці ўшчыльную да пытанняў аптымізацыі органаў унутраных спраў дазваляе і становішча ў краіне. Падводзячы вынікі мінулага года, паводле слоў кіраўніка МУС, крымінагенная сітуацыя не пагоршылася. Колькасць злачынстваў па выніках 2016 знізілася, а іх раскрывальнасць наадварот расце. Такі трэнд трымаецца ўжо некалькі гадоў. Скарацілася колькасць злачынстваў, якія ўчыняюцца ў стане алкагольнага ап'янення. На спад пайшла падлеткавая злачыннасць. Знізілася і колькасць ДТЗ. На сустрэчы ў Прэзідэнта абмеркавалі і магчымасць стварэння рэспубліканскай сістэмы маніторынгу грамадскай бяспекі.
Калі пытанне наспела, то, на думку Прэзідэнта, трэба вызначыцца з цаной і алгарытмам стварэння сістэмы відэафіксацыі. Такія відэаманіторынгі існуюць у многіх краінах і дазваляюць аператыўна рэагаваць на правапарушэнні. МУС прапануе акумуляваць інфармацыю з усіх камер відэаназірання ў адзіным цэнтры.
Асобна Прэзідэнт закрануў і спартыўную тэму. Міністр МУС адначасова з'яўляецца і кіраўніком наглядальнага савета хакейнага клуба "Дынама-Мінск". Кіраўнік дзяржавы раскрытыкаваў гульню спартсменаў у КХЛ. Аляксандр Лукашэнка, як і ўсе балельшчыкі, расчараваны вынікамі спаборніцтва з рыжскай камандай. "Зубры" саступілі. Для беларусаў гэта можа ўскладніць выхад у плэй-оф.
