Гэта заявіў Прэзідэнт Аляксандр Лукашэнка на цырымоніі ўшаноўвання выпускнікоў вышэйшых ваенных навучальных устаноў і вышэйшага афіцэрскага складу. Кіраўнік дзяржавы таксама адзначыў, што беларусы як ніякая іншая нацыя цэняць мір, бяспеку і незалежнасць. Гэтыя найважнейшыя дасягненні нашага народа маюць патрэбу ў надзейнай абароне. Таму Беларусь і праводзіць міралюбную палітыку. Гэта актуальна асабліва сёння, калі на планеце ідуць узброеныя канфлікты, а сістэма міжнароднай бяспекі праходзіць самую сур'ёзную праверку за доўгія дзесяцігоддзі.
На вайскоўцах ляжыць асаблівая адказнасць за бяспеку, але і ўвага да іх дасягненняў не менш пільная. Так, за выдатныя поспехі ў вучобе Прэзідэнт уручыў падзяку выпускнікам ваенных ВНУ, гэта 21 афіцэр. Сярод выдатнікаў падрыхтоўкі ўжо былыя вучні факультэта генштаба Узброеных Сіл Беларусі і Інстытута нацыянальнай бяспекі. Папоўніўся і вышэйшы афіцэрскі склад. Чарговыя воінскія званні генерал-маёра атрымалі Андрэй Федзін, Аляксандр Панфёраў і Аляксандр Навуменка. Генеральскае папаўненне і ў МУС – Іван Кубракоў і Аляксандр Астрэйка. У начальніка Гродзенскай рэгіянальнай мытні Андрэя Кавальчука персанальнае званне дзяржаўнага саветніка мытнай службы трэцяга рангу.
Урачыстае мерапрыемства праходзіла пасля Дня Незалежнасці - знак асаблівай павагі да афіцэраў краіны. Адзначыў Прэзідэнт і сам ваенны парад на 3 Ліпеня. Ён стаў лепшым у гісторыі незалежнай Беларусі.
