Сёння пачалі са Следчага камітэта. Аляксандр Лукашэнка прыняў з дакладам кіраўніка ведамства Івана Наскевіча. У першую чаргу Кіраўніка дзяржавы цікавіла дзейнасць маладой структуры. Нагадаем, Следчы камітэт створаны ў верасні 2011 года. Размова ішла і аб расследаванні шэрагу крымінальных спраў, якія знаходзяцца на кантролі Прэзідэнта і атрымалі найбольшы грамадскі рэзананс.
Прэзідэнт цікавіўся і тым, як праходзіць аптымізацыя Следчага камітэта. За год колькасць скарацілася на 375 чалавек. Каля паўтысячы супрацоўнікаў пяройдуць у ранг грамадзянскага персаналу. Абмеркавалі ўмацаванне супрацоўніцтва і вывучэнне вопыту следчых камітэтаў іншых краін - гэта было даручэннем Прэзідэнта. За гэты год беларускае ведамства правяло шэраг сустрэч і перамоў з калегамі з Расіі, Арменіі, Казахстана, Узбекістана. Акрамя таго, устаноўленыя рабочыя кантакты з еўрапейскімі і амерыканскімі партнёрамі.
