Гэтай раніцай борт нумар адзін узяў курс на Тбілісі, дзе на працягу двух дзён беларускі лідар правядзе перамовы з Прэзідэнтам гэтай краіны Гіоргіем Маргвелашвілі. Чакаецца, што кіраўнікі дзяржаў абмяркуюць стан агульнай эканомікі і перспектывы супрацоўніцтва. У прыватнасці, размова пойдзе пра пашырэнне асартыменту і аб'ёмаў паставак прадукцыі, а таксама развіццё вытворчай кааперацыі.
Агульную цікавасць выклікае партнёрства ў навуцы, адукацыі, медыцыне, сферах транспарту і лагістыкі, рэалізацыі інфраструктурных праектаў. Аляксандр Лукашэнка і Георгій Маргвелашвілі абмяркуюць пытанні супрацоўніцтва ў палітыцы, кантакты краін на міжнародных пляцоўках, сітуацыю ў свеце і рэгіёне. Па выніках перамоў плануецца падпісанне шэрагу міжнародных дакументаў.
Чакаюцца сустрэчы Прэзідэнта Беларусі з прэм'ер-міністрам Грузіі і Каталікосам-Патрыярхам усяе Грузіі. У рамках афіцыйнага візіту Кіраўніка беларускай дзяржавы ў Тбілісі праходзяць дні Мінска.
