Прэзідэнт Беларусі здзейсніць афіцыйны візіт у Сербію
Кіраўнікі дзяржаў абмяркуюць развіццё палітычнага дыялога і эканамічнага ўзаемадзеяння. У цэнтры ўвагі будзе рэгіянальны і сусветны парадак дня, а таксама перспектывы павелічэння тавараабароту, ініцыятывы па стварэнні сумесных вытворчасцяў і запуску ўзаемных інвестыцыйных праектаў. У Сербіі ўжо дзейнічаюць лініі па зборцы трактароў і аўтобусаў, вядзецца работа па стварэнні сумеснай вытворчасці камбайнаў у Крагуевацэ. Але патэнцыял супрацоўніцтва нашмат большы. Па выніках перамоў на вышэйшым узроўні будзе падпісаны пакет двухбаковых дакументаў. Праграмай візіту Аляксандра Лукашэнкі таксама прадугледжаныя яго сустрэчы ў парламенце. У гэтыя ж дні ў Бялградзе пройдзе беларуска-сербскі бізнес-форум, на якім чакаецца падпісанне некалькіх камерцыйных кантрактаў і пагадненняў. На сёння балканскія інтарэсы ў Беларусі прадстаўляюць каля дзясятка арганізацый з удзелам сербскага капіталу.
Беларусь - Сербія: дыялог і развіццё гандлю
Сустракаючыся ў Мінску гэтым летам, лідары ўмовіліся ўмацоўваць гандаль, каб ён стаў моцным падмуркам развіцця адносін. Тым больш што краіны, народы блізкія і могуць значна пашырыць узаемавыгаднае супрацоўніцтва. Па выніках 2018 тавараабарот Беларусі і Сербіі наблізіўся да 150 мільёнаў долараў. Лічбы гэтага года пацвярджаюць пазітыўныя тэндэнцыі ў агульным гандлі.
