Дапрацаваны дэкрэт № 3 "Аб папярэджанні сацыяльнага ўтрыманства" накіраваны з Савета Міністраў Прэзідэнту

Абнавіць дакумент. Такую задачу паставіў Кіраўнік дзяржавы ў пачатку жніўня. Тады Аляксандр Лукашэнка падкрэсліў: аб адмене дэкрэта гутаркі не ідзе. Ён будзе выкладзены ў новай рэдакцыі. Галоўным даручэннем Прэзідэнта было надзяліць мясцовыя органы ўлады большымі паўнамоцтвамі для прыцягнення грамадзян да працы. Выканкамы павінны як мага больш садзейнічаць усім, хто жадае працаўладкавацца. Чакаецца, што абноўлены дэкрэт атрымае і новую назву - "Па садзейнічанні занятасці".