Афіцыйны візіт у Малдову на вышэйшым узроўні. 18-19 красавіка Прэзідэнт Аляксандр Лукашэнка сустрэнецца ў Кішынёве са сваім малдаўскім калегам Ігарам Дадонам і прэм'ерам Паўлам Філіпам.
На перамовах абмяркуюць розныя аспекты міждзяржаўных адносін. Прэзідэнты сустрэнуцца ў фармаце адзін на адзін і пашыраным з удзелам дэлегацый. Асноўная ўвага - развіццю двухбаковага супрацоўніцтва і ўзаемадзеянню на інтэграцыйных пляцоўках - ЕАЭС і СНД. Асобна будзе гучаць і тэма АПК у Інстытуце раслінаводства "Парумбель", які наведаюць прэзідэнты. Аляксандр Лукашэнка і Ігар Дадон возьмуць удзел і ў цырымоніі "Дзень поля", прысвечанай пачатку пасяўной. На перамовах з прэм'ерам Паўлам Філіпам плануюць абмеркаваць пытанні пашырэння эканамічных сувязяў у харчовай прамысловасці, вытворчай кааперацыі, інфраструктурных праектах і сельскай гаспадарцы. Тут у краін ужо ёсць вопыт працы.
Сёння Беларусі і Малдове цікавыя і сумесныя праекты ў энергетыцы, гуманітарнай сферы і праваахоўнай дзейнасці. Па выніках сустрэчы ў Кішынёве чакаецца падпісанне шэрагу міжнародных дакументаў. Паралельна з перамовамі на вышэйшым узроўні сталіца Малдовы прыме і сумесны форум дзелавога і міжрэгіянальнага супрацоўніцтва. У ім возьме ўдзел бізнес дзвюх краін, а таксама кіраўніцтва гарадоў і раёнаў. Запланавана і выстава камунальнай і сельгастэхнікі з Беларусі.
