Ужо пасля афіцыйных мерапрыемстваў у Магілёве кіраўнік расійскага ўрада адправіўся ў аграгарадок Александрыю, каб у нефармальнай абстаноўцы пагутарыць з Прэзідэнтам Беларусі. Аляксандр Лукашэнка запрасіў Дзмітрыя Мядзведзева наведаць свае родныя месцы яшчэ падчас іх сустрэчы ў Сочы.
Вядома, у вёсцы не абышлося без мясцовых пачастункаў. Расійскі прэм'ер паспрабаваў беларускі бярозавік. Вядома, што Дзмітрый Мядзведзеў захапляецца фатаграфіяй, а таму расійскі прэм'ер зрабіў некалькі эксклюзіўных кадраў каля роднага для Аляксандра Лукашэнкі дома, а таксама сам сфатаграфаваўся на памяць.
