Да сярэдзіны наступнага года ва ўсіх працоўных калектывах павінны быць прафсаюзныя арганізацыі. Пра гэта сёння заявіў Прэзідэнт Аляксандр Лукашэнка на VII з'ездзе Федэрацыі прафсаюзаў. Форум аб'яднаў больш як паўтысячы дэлегатаў, у іх ліку лідары прафарганізацый усіх узроўняў, а таксама іх замежныя калегі - кіраўнікі прафцэнтраў краін блізкага і далёкага замежжа. Асноўная тэма дыскусіі - дарожная карта арганізацыі на наступныя 5 гадоў. Звяртаючыся да гасцей, Аляксандр Лукашэнка падкрэсліў, што прафсаюзам неабходна прымаць актыўны ўдзел у рашэнні задач дзяржаўнай важнасці.
Цяперашні форум прымеркаваны да важнай даты - 110-годдзя прафсаюзнага руху Беларусі. Арганізацыя аб'ядноўвае больш за чатыры мільёны чалавек - гэта 96,5% эканамічна актыўнага насельніцтва краіны. Гаварылі на форуме і пра стварэнне новых прафарганізацый у прыватным сектары. Падрабязнасці дыскусіі - у нашых наступных выпусках.
