Адкрытасць і шчырасць Кіраўніка дзяржавы ў зносінах з удзельнікамі канферэнцыі асоба адзначыла і старшыня ўрада Сербіі Ана Брнабіч. Доўгі і прадуктыўны працоўны дзень у Палацы Незалежнасці працягнуўся двухбаковай сустрэчай Кіраўніка дзяржавы з прадстаўніцай гэтай балканскай рэспублікі. Аляксандр Лукашэнка адзначыў, што Беларусь і надалей будзе падтрымліваць Сербію ў самыя складаныя часы. І зараз у нашай краіне з насцярожанасцю ставяцца да працэсаў, якія адбываюцца на Балканах. Бо ў палітычнай плоскасці паміж Беларуссю і Сербіяй склаліся па-сапраўднаму братэрскія адносіны. А ў сферы эканомікі - ёсць яшчэ над чым працаваць. Рэзервы ва ўзаемным гандлі Кіраўнік дзяржавы бачыць як у прамым узаемадзеянні, так і з пункта гледжання стварэння сумесных вытворчасцяў.
Выступленне Аляксандра Лукашэнкі зрабіла моцнае ўражанне на ўдзельнікаў канферэнцыі. Гэта адзначыла і Ана Брнабіч. Таксама яна перадала ліст ад прэзідэнта Сербіі з запрашэннем наведаць гэтую балканскую дзяржаву.
Ана Брнабіч, прэм'ер-міністр Сербіі: "Хачу Вам падзякаваць за сапраўды ўражлівы прыём тут, у Беларусі. Адразу адчуваецца, што мы знаходзімся на братэрскай зямлі, у гасцях у сапраўдных сяброў. Хачу перадаць Вам вось гэты ліст ад прэзідэнта Сербіі і адзначыць, што ў першы раз за сваю палітычную кар'еру бачыла, што Аляксандр Вучыч ставіцца да якога-небудзь кіраўніка дзяржавы з такой павагай. У лісце, апроч іншага, запрашэнне наведаць Сербію. Вы бы аказалі нам вялізны гонар, прыехаўшы ў нашу краіну. І яшчэ жадаю асобна адзначыць шчырасць і адкрытасць Вашай гутаркі з удзельнікамі канферэнцыі сёння. Так і трэба сапраўды гаварыць аб крывадушнасці некаторых палітыкаў".
Нагадаем, Прэзідэнт Беларусі першы раз наведаў Белград у той час як горад актыўна бамбавалі. Праца над мірным вырашэннем балканскага канфлікту тады вялася, нягледзячы на поўную адсутнасць гарантый бяспекі.
