Паспець падаць дакументы можна да канца года. Перадвыбарная кампанія праходзіць пад пільным кантролем мясцовых назіральнікаў - іх зарэгістравана больш за паўтары тысячы. Самыя актыўныя - прадстаўнікі Беларускага рэспубліканскага саюза моладзі, арганізацыі "Белая Русь" і Саюза ветэранаў.
Ход перадвыбарнай кампаніі ў інтэрв'ю нашаму тэлеканалу пракаменціравала старшыня Цэнтрвыбаркама. Зараз ідзе вылучэнне кандыдатаў у дэпутаты. Усяго зарэгістравана 17,5 тысячы ініцыятыўных груп па зборы подпісаў - толькі 16 было адмоўлена па розных прычынах. Найбольшая цікавасць да выбараў традыцыйна ў сталіцы. Паводле слоў Лідзіі Ярмошынай, актыўнасць патэнцыяльных кандыдатаў у палітычнай гонцы гэтага года нават вышэйшая за прэзідэнцкую перадвыбарную кампанію. Аднак у абласных саветах конкурс значна меншы. Ёсць акругі, дзе няма ні адной ініцыятыўнай групы.
Лідзія Ярмошына, Старшыня Цэнтральнай камісіі Беларусі па выбарах і правядзенні рэспубліканскіх рэферэндумаў: "Хутчэй за ўсё, там вылучэнне будзе ад працоўных калектываў. Такіх акруг па краіне 14, не шмат. Але мяне насцярожвае, што 12 з іх на тэрыторыі Брэсцкай вобласці. Ініцыятыўныя групы і самі кандыдаты там працуюць неактыўна. Там, хутчэй за ўсё, не будзе канкурэнцыі".
Вылучэнне кандыдатаў завершыцца 8 студзеня. Традыцыйна зрабіць гэта можна трыма спосабамі - шляхам збору подпісаў, ад палітычных партый і ад працоўных калектываў. Самая актыўная фаза перадвыбарнай кампаніі - агітацыя - стартуе 18 студзеня і прадоўжыцца да асноўнага дня галасавання - 18 лютага.
