Пра гэта сёння паведаміла Кіраўнік Цэнтрвыбаркама Лідзія Ярмошына. Напярэдадні Магілёўская абласная камісія задаволіла адну скаргу. Некалькі такіх заяў разглядаюць зараз і ў іншых рэгіёнах. У сярэднім конкурс амаль 5 чалавек на месца. Самы высокі ён у сталіцы, а самы нізкі - у Мінскай вобласці. У гэтай кампаніі становяцца папулярныя і тэледэбаты. Па ўсіх акругах яны пройдуць у Мінску, Віцебскай і Магілёўскай абласцях. Менш актыўныя кандыдаты на Гродзеншчыне, там з 13 акруг толькі ў трох выказаліся за тэледэбаты. Больш за палову з зарэгістраваных прэтэндэнтаў на месца ў Авальнай зале адкрылі і свае асабістыя фонды.
Лідзія Ярмошына, Старшыня Цэнтральнай выбарчай камісіі Беларусі па выбарах і правядзенні рэспубліканскіх рэферэндумаў: "Рахунак неабходны, таму што ніякай іншай агітацыйнай прадукцыі ў кандыдата ўжо не будзе. Бо адзінае, што пакладуць у скрыні выбаршчыкам, - гэта інфармацыйную лістоўку, якую зробіць акруговая камісія, дзе звесткі будуць пра кандыдатаў, а ўжо не перадвыбарныя праграмы. Напрыклад, кандыдат прынёс перадвыбарную праграму, якая перавышае колькасць знакаў друкаваных, якія могуць быць бязвыплатна надрукаваны ў газеце ў адпаведнасці з пастановай ЦВК, то кандыдату прапанаваць і ён аплаціць са свайго фонду гэтыя лішнія знакі. І гэта з'яўляецца, напэўна, самым разумным".
Паралельна з выбарамі ў Палату прадстаўнікоў ідзе і вылучэнне кандыдатаў у члены Савета Рэспублікі. Спісы падалі ўсе рэгіёны, акрамя Мінска. Апошні тэрмін у гэту пятніцу, 19 жніўня. А з 20 па 24 у Цэнтрвыбаркаме будуць рэгістраваць прэтэндэнтаў у верхнюю палату парламента.