Шэнгенскія візы для беларусаў могуць патаннець з чэрвеня

9 Студзеня 2020
Пагадненне паміж Беларуссю і ЕС, якое спросціць выдачу віз, падпісалі ўчора ў Бруселі. Яно таксама прадугледжвае рэадмісію асоб, якія знаходзяцца без дазволу. Дакумент на ўзаемнай аснове зніжае візавы збор да 35 еўра. Палажэнні пагаднення пачнуць ужывацца ў першы дзень другога месяца пасля абмену апавяшчэннямі аб выкананні бакамі ўнутраных працэдур. Зараз жа яны будуць перададзеныя на ўзгадненне ў Еўрапейскі парламент. З нашага боку неабходная ратыфікацыя дакументаў Нацыянальным сходам Беларусі.