На "Беларусь 1" было паказана выступленне кандыдата ў Прэзідэнты Таццяны Караткевіч, якая прыняла рашэнне скарыстацца не прамым эфірам, а запісам.
Таццяна Караткевіч, кандыдат у Прэзідэнты Рэспублікі Беларусь: "Мы не будзем дзяліць людзей на правых і левых, рускамоўных і беларускамоўных... Нам сёння патрэбна згода ў грамадстве. Добры прыклад будзе ўжо праз паўгадзіны. Пачнецца футбольны матч Лігі чэмпіёнаў, я ўсіх заклікаю хварэць за нашых хлопцаў з "Дынама". Іх перамога - будзе нашай агульнай".
Нагадаем, згодна з законам, кожны кандыдат мае права бясплатна выступіць два разы ў радыё- і тэлеэфіры. Гэтым ужо скарысталіся двое кандыдатаў, а заўтра - чарга Мікалая Улаховіча.
