Кіраўнік беларускага МЗС з афіцыйным візітам наведаў Сірыю

Уладзімір Макей сустрэўся з прэзідэнтам Арабскай Рэспублікі Башарам Асадам, сірыйскім прэм'ерам Ваілем аль-Халякі і міністрам замежных спраў блізкаўсходняй дзяржавы Валідам аль-Муалемам. Бакі абмеркавалі стан і перспектывы развіцця беларуска-сірыйскіх адносін, у тым ліку ў сферах палітыкі, гандлю і эканомікі і падпісалі шэраг пагадненняў. Уладзімір Макей перадаў прэзідэнту Сірыі пасланне ад імя Аляксандра Лукашэнкі. Таксама падчас перамоў была выказана падтрымка сірыйскага народа ў барацьбе супраць замежнага ўмяшання і тэрарызму.