Галоўныя палітычныя навіны сёння прыходзілі з Таджыкістана. У Душанбэ адбыўся саміт лідараў Шанхайскай арганізацыі супрацоўніцтва.
Цяперашні форум юбілейны: 20 гадоў з дня заснавання арганізацыі, якая пачалася з "пяцёркі". Зараз у складзе 8 удзельнікаў: Расія, Кітай, Казахстан, Кыргызстан, Таджыкістан, Узбекістан, а таксама Індыя і Пакістан, якія далучыліся ў 2017 годзе. Беларусь атрымала статус назіральніка ў Шанхайскай арганізацыі супрацоўніцтва ў 2015.
Агульная бяспека, пераадоленне наступстваў пандэміі, жыццё ў посткавідны час - вось, мабыць, галоўныя тэмы, якія ў сваіх выступленнях закрануў кожны з кіраўнікоў дзяржаў. Як і афганскае пытанне. Усе зацікаўлены ва ўрэгуляванні сітуацыі ў Афганістане, у тым, каб звесці ў гэтай сувязі да мінімуму рызыкі для бяспекі рэгіёна. Наш Прэзідэнт падкрэсліў, што наступае час гістарычнага стрэс-тэста для Шанхайскай арганізацыі супрацоўніцтва.
Прэзідэнт Беларусі прапанаваў краінам Шанхайскай арганізацыі супрацоўніцтва стварыць альянс у галіне аховы здароўя
Шанхайская арганізацыя супрацоўніцтва - адна з самых буйных у свеце рэгіянальных аб'яднанняў. Гэты статус дае ўсе рэсурсы і магчымасці, каб не іграць па правілах, якія дыктуюць знешнія сілы. Беларускі лідар зрабіў некалькі акцэнтаў. Наша краіна падтрымлівае ініцыятыву Таджыкістана аб стварэнні антынаркатычнага цэнтра Шанхайскай арганізацыі супрацоўніцтва. Больш актыўна супрацьстаяць трэба і такім глабальным рызыкам, як тэрарызм, экстрэмізм, нелегальная міграцыя. Сярод новых выклікаў - кібератакі. Яны ўплываюць на бяспеку краін і людзей. Трэба ствараць міжнародную прававую сістэму для барацьбы з такімі пагрозамі. Перспектыўным Аляксандр Лукашэнка назваў далейшае развіццё агульнай транспартнай прасторы Шанхайскай арганізацыі супрацоўніцтва, увагу аднаўляльным крыніцам энергіі, атамнай энергетыцы. Сярод прапаноў - часцей выкарыстоўваць нацыянальныя валюты ў міжнародным гандлі. Наш Прэзідэнт прапанаваў краінам Шанхайскай арганізацыі стварыць альянс у галіне аховы здароўя.
На яго думку, дзяржавам ШАС трэба актывізаваць супрацоўніцтва ў сферы вытворчасці вакцын і лекаў і не толькі ад каранавіруса.
Юбілейны саміт Шанхайскай арганізацыі супрацоўніцтва ў Таджыкістане
Сярод вынікаў сустрэчы запуск працэдуры прыёму Ірана ў якасці паўнапраўнай дзяржавы-члена Шанхайскай арганізацыі супрацоўніцтва, а таксама наданне статусу партнёра па дыялогу Егіпту, Катару і Саудаўскай Аравіі.
