Калі ноу-хау моладзевай інжынернай думкі рухаюць наперад прамысловасць. Жодзіна прымае міжнародны чэмпіянат па рашэнні машынабудаўнічых кейсаў BELAZ CHALLENGE. Чацвёрты турнір сабраў каля 30 студэнтаў і выкладчыкаў тэхнічных універсітэтаў Беларусі, Расіі і Узбекістана. Сёння пазнавальны дзень. Маладыя людзі пачалі знаёмства з беларускім аўтазаводам з музея прадпрыемства. Акрамя таго, студэнты пабывалі ў цэху галоўнага канвеера, дзе не толькі ўбачылі, як збіраюць самазвалы грузападымальнасцю ад 30 да 90 тон, але і самі ўзялі ў гэтым удзел. Першы дзень чэмпіянату стартаваў таксама і з тэхналагічнага мазгавога штурму.
Заўтра на БЕЛАЗе інтэлектуальны дзень. Каманды будуць вырашаць машынабудаўнічыя кейсы. Сярод прызоў магчымасць стажыроўкі на самім заводзе.
