Не змаглі праехаць міма віншаванняў і аўталэдзі. Жанчын-вадзіцеляў з надыходзячым 8 Марта павіншавалі супрацоўнікі аддзела ДАІ Маскоўскага РУУС Мінска. Да іх далучыліся і нашы калегі - тэлевядучыя Яўген Перлін і Андрэй Макаёнак. Кветкавы магазін у выглядзе салона службовага аўто адправіўся на вуліцу Алібегава. Жанчынам жадалі бяспечнага шляху і, вядома, дарылі ім кветкі і падарункі.
Алег Шкурскі, намеснік начальніка АДАІ Маскоўскага РУУС г. Мінска: "У нас шматгадовая традыцыя ўжо склалася - віншаваць жанчын з гэтым святам. У сувязі з чым таксама жадаю павіншаваць нашых жанчын са святам. Каб на душы ў іх заўсёды было сонечна, каб іх заўсёды кахалі і шанавалі мужчыны".
На гэтым марафон віншаванняў не завяршаецца. Добрыя словы аўталэдзі будуць чуць найбліжэйшыя некалькі дзён.
Жанчын-вадзіцеляў з надыходзячым 8 Марта павіншавалі супрацоўнікі аддзела ДАІ
6 марта 2020
