Закон аб пенсіённым забеспячэнні. Змяненні накіраваны на падтрымку работнікаў, якія маюць права на датэрміновую прафесійную пенсію

Беларускія дэпутаты ў першым чытанні разгледзелі папраўкі ў законы аб пенсіённым забеспячэнні і аб прафесійным страхаванні. Змяненні накіраваны на падтрымку работнікаў, якія маюць права на датэрміновую прафесійную пенсію. Наймальнікі будуць адлічваць больш сродкаў на выплаты страхавой пенсіі. Пенсіённае заканадаўства прыводзіцца ў адпаведнасць з указам Прэзідэнта. Згодна з ім, пачынаючы з 1 студзеня, работнікам, якія маюць такое права, прызначаецца льготная пенсія па законе аб пенсіённым забеспячэнні.