23 февраля 2021
У Ваўкавыску затрыманы двое мясцовых жыхароў, якія падпалілі банэр з дзяржаўным флагам. Падзеі разгортваліся 10 кастрычніка. У міліцыю паступіла паведамленне ад пажарных: на сцяне шматпавярховага дома па вуліцы Кастрычніцкай гарыць банэр. Неўзабаве агонь патушылі, а на месцы здарэння знайшлі асколкі шкла і астаткі гаручай вадкасці. Тады па факце хуліганства ўзбудзілі крымінальную справу, а днямі ўстанавілі падазроных - дваіх мясцовых жыхароў 28 і 45 гадоў. Старэйшы не судзімы, ён - індывідуальны прадпрымальнік. Яго змоўшчык - наёмны працаўнік, які неаднаразова прыцягваўся да адміністрацыйнай адказнасці і знаходзіцца на ўліку ў РАУС.
Затрыманы яшчэ адзін удзельнік замены флагаў
А ў Гомелі затрыманы хуліган, які зняў дзяржаўны флаг. Нагадаем, 16 жніўня да флагштока на плошчы Леніна падышлі некалькі пратэстоўцаў. Адзін з іх апусціў флаг уніз, другі зняў з мацавання, скамячыў і павесіў на агароджу. Замест флага кампанія павесіла бела-чырвона-белае палатно. І днямі аператыўнікі затрымалі яшчэ аднаго ўдзельніка тых падзей - 22-гадовага жыхара абласнога цэнтра. Следчыя далі прававую ацэнку яго дзеянням і ўзбудзілі крымінальную справу за злоснае хуліганства.
