IT-тэхналогіі ў медыцыне

У ПВТ гаварылі аб укараненні распрацовак рэзідэнтаў у паліклінікі, бальніцы і адукацыйныя профільныя праграмы. Стартапы, колькасць якіх значна павялічылася, актыўна прасоўваюць свае прадукты і на ўнутраным, і на знешнім рынках. Рэзідэнты ПВТ паказалі ўраду і Міністэрству аховы здароўя, як працуюць іх рашэнні. 

Сярод іх - 3D-прынтар лічбавага стаматолага - у дапамогу ўрачу для стварэння імплантаў, шлем віртуальнай рэальнасці для рэабілітацыі дзяцей з ДЦП, нейранавігатар для хірургаў-траўматолагаў, які дазваляе больш дакладна планаваць усю аперацыю, распрацоўка стартапа для выяўлення рызык онказахворванняў па ўтварэннях на скуры. А таксама пашпарт лёгкіх, які ацэньвае дыханне больш эфектыўна за звычайны стэтаскоп. Многія з гэтых праектаў ужо тэсціруюцца дактарамі на практыцы ў нашых медцэнтрах.

Для прыцягнення да новых распрацовак будучых урачоў - а сённяшніх студэнтаў - падпісана пагадненне аб супрацоўніцтве паміж ПВТ і мінскім медуніверсітэтам. Такія дні ўрада ў ПВТ плануюць прысвячаць і распрацоўкам у іншых сферах: напрыклад, у адукацыі, прамысловасці і сельскай гаспадарцы.

Задача - укараняць высокія тэхналогіі ў рэальны сектар і такім чынам дапамагаць нашым прадпрыемствам выходзіць на новы ўзровень. Павышаць іх эфектыўнасць і запатрабаванасць прадуктаў і паслуг у Беларусі і за мяжой.