У нядзелю ў "Галоўным эфіры" - пасяўная - сапраўдная праверка на вынослівасць

Па традыцыі  ў разгар пасяўной  нашы карэспандэнты змяняюць прафесію. Мая калега Надзея Сербіненка  адправілася ў Салігорскі раён, каб узяць майстар-клас па кіраванні  ў трактарысткі з 20-гадовым стажам. Святлана Сачко  нароўні з мужчынамі працуе ў палях. Яна сама можа разабраць і сабраць свой трактар. Гэтымі днямі  разам з усім калектывам гаспадаркі  Святлана сее яравыя культуры. Спецыяльна для нашай здымачнай групы яна згадзілася раскрыць тонкасці кіравання "Беларусам". 

Пасяўная для аграрыяў - сапраўдная праверка на вынослівасць. Паспець засеяць насенне ў вызначаны тэрмін  і атрымаць годны ўраджай - такія задачы пастаўлены перад усімі гаспадаркамі краіны. У гэтую нядзелю  ў "Галоўным эфіры"  мы прасочым складаны шлях  ад падрыхтоўкі глебы і апрацоўкі насення яшчэ ў бункерах  да першых зялёных парасткаў. Даведаемся, як абараняюць насенне ад хвароб, што ў абедзенным меню аграрыяў з дастаўкай у поле.  Гарачая пасяўная - у "Галоўным эфіры".