На тыдзень Сочы ператварыўся ў найбуйнейшую міжнародную моладзевую пляцоўку. 20 тысяч удзельнікаў больш чым з 180 краін сабраў 19-ы форум моладзі і студэнтаў.
Сёння адбылася галоўная спартыўная падзея фэсту - забег на 2017 метраў. У ім прынялі ўдзел прадстаўнікі 73-х краін. На старт выйшлі амаль чатыры тысячы чалавек - у тым ліку і больш за сотню беларусаў. Бегавы маршрут праходзіў па трасе "Формулы-1" у Алімпійскім парку. Больш падрыхтаваныя бегуны змаглі пераадолець дыстанцыю ў 4 км. На фінале ўсім удзельнікам уручылі аднолькавыя залатыя медалі з афіцыйнай сімволікай 19-га фэсту. Хутчэй за ўсіх прабег Айдар Сагетдынаў з Татарстана.
Дыстанцыю разам з удзельнікамі прабег кіраўнік Алімпійскага камітэта Расіі Аляксандр Жукаў, а галоўнай медыйнай асобай стала генеральны прадзюсар канала "Матч ТБ" Ціна Кандэлакі.
