Інтэрактыўныя гульні і квізы на веданне правілаў дарожнага руху. Сталічных школьнікаў падчас канікул знаёмяць з дарожнай бяспекай. Так, сёння сустрэча з супрацоўнікамі ДАІ прайшла ў сталічнай школе № 105. На няпростыя пытанні вучні адказвалі ўпэўнена, бо ў навучальную ўстанову ходзяць самастойна і веды правілаў дарожнага руху прымяняюць на практыцы штодзень.
Кантроль за перамяшчэннем непаўналетніх вядзецца і на дарогах. Пакуль школьнікі адпачываюць на канікулах, інспектары патрулююць найбольш небяспечныя ўчасткі з высокай колькасцю дзяцей - дваровыя тэрыторыі, праезды ля дзіцячых пляцовак і пешаходныя пераходы. Больш уважлівымі нагадваюць быць і вадзіцелям.
