Пераможцам шоу "Фактар.by 60+" стаў экс-саліст аркестра мінскай міліцыі Віктар Гушча! Вынікі праекта падвялі ў эфіры нашага тэлеканала напярэдадні вечарам.
За перамогу змагалася наймацнейшая чацвёрка суперфіналістаў. Кожны з іх з прафесійным бэкграундам і вопытам на сцэне. Але трыумфатарам, па правілах адзінага музычнага шоу ў краіне, без узроставых абмежаванняў павінен быў стаць толькі адзін.
Пятнічны эфір стаў адным з самых папулярных у гісторыі двух сезонаў праекта з маркерам "60+". Суперфіналісты пры падтрымцы творчай каманды здолелі зрабіць паўнацэннае шоу з дзясяткам нумароў. Тэлегледачы першай кнопкі ўбачылі як сольныя нумары, так і дуэты з зоркамі беларускай эстрады.
Суперфінал даступны для прагляду на афіцыйным канале праекта ў YouTube. Рэпартаж з закулісся канцэрта з каментарыямі блізкіх пераможца глядзіце 23 сакавіка ў "Панараме".
