Аснашчэнне новым медыцынскім абсталяваннем бальніц і паліклінік цэнтральнага рэгіёна. Так, у распараджэнні Мінскай абласной дзіцячай бальніцы з сённяшняга дня новыя дадатковыя інструменты эндаскапічнай хірургіі. Такі падарунак ад спонсараў зрабіў Беларускі дзіцячы фонд. Дзякуючы самаму сучаснаму абсталяванню можна павялічыць колькасць малаінвазіўных аперацый, а іх у Бараўлянскай клініцы штогод робяць больш за 600. Важна і тое, што новая медтэхніка дазваляе дыягнаставаць у дзяцей каранавірусную інфекцыю.
Сяргей Мустайкін, намеснік галоўнага ўрача Мінскай абласной дзіцячай клінічнай бальніцы: COVID-19 значна ўскладняе цячэнне звычайных вострых захворванняў у дзетак. Гэта сучасныя тэхналогіі, якія дазваляюць мінімізаваць ускладненні, аказваць дапамогу ў поўным аб’ёме, аказваць касметычны эфект, а самае галоўнае - хуткае аднаўленне пасля хваробы.
Галіна Пранько, старшыня Мінскага абласнога аддзялення Беларускага дзіцячага фонду: Больш чым 20 гадоў Мінскае абласное аддзяленне Беларускага дзіцячага фонду супрацоўнічае і аказвае дапамогу дзецям Мінскай абласной дзіцячай клінічнай бальніцы. Гэта грошы грамадскія, г. зн. спонсарскія.
У цэлым жа дзякуючы паэтапнай мадэрнізацыі бальніцы дзеці з усёй Мінскай вобласці могуць атрымліваць у Бараўлянах лячэнне на самым высокім узроўні.
Дзмітрый Зайцаў, галоўны ўрач Мінскай абласной дзіцячай клінічнай бальніцы:
Дзякуючы інавацыйнаму фонду Прэзідэнта Рэспублікі Беларусь, а таксама дапамозе губернатара нашай установе закуплена абсталяванне, якому няма сёння аналагаў у Беларусі. Гэта абсталяванне для мікрахірургіі вока, для дзіцячай афтальмалогіі, для дзіцячай отарыналарынгалогіі, для аддзялення дзіцячай хірургіі. Гэта таксама новыя рабочыя ЛОР-месцы, гэта новыя мікраскопы.
Падтрымалі юных пацыентаў бальніцы артысты і аніматары. Нездарма і самі медыкі адзначаюць: добры настрой - гэта палова паспяховай папраўкі.