Гульнявы пакой, палаты павышанай камфортнасці, новы харчовы блок. У Петрыкаўскай раённай бальніцы пасля рэканструкцыі адкрыты педыятрычнае і прыёмнае аддзяленні. Работы вялі на працягу года. Прычым рамонт на дзейнасць бальніцы не паўплываў. Дзіцячае адззяленне разлічана на 25 чалавек, там замянілі мэблю і закупілі новае абсталяванне.
Прыёмнае аддзяленне будзе даступна для пацыентаў кругласутачна. У тым ліку ў выхадныя і святочныя дні. Тут змогуць лячыцца не толькі жыхары з райцэнтра, але і з Петрыкаўскага раёна.
