У Наваполацку пачалі ўзводзіць пантонны мост цераз Заходнюю Дзвіну. Стары мост на вул. Калініна патрабуе рамонту. Устанаўліваюць 20 пантонаў, кожны з якіх важыць 7 тон, работнікі Пінскага цэнтра Рэспубліканскага атрада спецыяльнага прызначэння "Зубр". Задзейнічана 20 адзінак тэхнікі і каля 30 работнікаў МНС. Пантонны мост даўжынёй каля 130 метраў плануюць узвесці на працягу дня.
Калі будуць выкананы ўсе работы і наладжаны рух па пантоннай пераправе, Калінінскі мост цалкам закрыюць на рэканструкцыю.
